فەرمانی دەسگیرکردن وەرپرسیگ ئەمنی لە گەرمیان
شەفەق نیوز/ سەرچەوەیگ لە وەریەوبەرایەتی پۆلیس ئیدارەی گەرمیان، ئمڕوو چوارشەممە خەوەردا فرمانی دەسگیرکردن لەبان وەریەوبەر پۆلیس بەش شارەوانی دەرچگە باوجی لەوەردەم دادگا ئامادە نەبویە.
وەپای ئەوەگ فەرمانیگ رەسمی لە دادگای گەرمیان دەرچگە ئەرا لێکۆلینەوە لە گەندەڵی و ئاژانس شەفەق نیوز چەوی وەپی کەفتیە، فرمان دەسگیرکردن ئەرا نەقیب(ئاکۆ عومەر) وەرێەوبەر پۆلیس شارەوانی گەرمیان دەرچگە.
فەرمان دەسگیرکردن (ئاکۆ عومەر عەبدولقادر) ئەرا هیزەیل ئەمنی کلکریاگە و وەپای مادەی 307 لە یاسای سزادان عراقی، باوجی سەرەرای رەدبوین زیاتر لە هەفتەیگ دەسگیرنەکریاگە.
ئەو ئەفسەرە توومەتبارە وە دۆسیەی ریگەداین وە زیایچگن لە باخچە و زەوی کشاوەرزی لە ئیدارەی گەرمیان.
سەرچەوەگە ئاشکەرایکرد، " پۆلیس فرمان دادگا وەرگردیە، باوجی پۆلیس ئەرای هەس جیوەجی ئی جویرە فەرمانە بکەێد، وەپای یاسای سزادان شمارە 17 ساڵ 2008 لەباوەت دەسگیرکردن ئەندامەیل ئەمنی بایەت فەرمان دەسگیرکردن لە دژ هەر ئەفسەریگ کلبکریەێد، لەدویای رەزامەندی ئەو یاداشتنامەی دەسگیرکردنەگە ئەرا دادگا کلکریەێد رێکارەیل فەرمانەگە تەواوکریەێد".
وتیش" گیچەڵ وە لای هیزەیل ئەمنی نییە، هالە جیوەجیکردن فەرمان دەسگیرکردنەگە ک چەوەڕی رەزامەندی وەزارەت ناوخۆ کەن".
