پۆلیس دهۆک جادووبازیگ دەسگیر کەێد
2021-01-30T13:15:58+00:00
شەفەق نیوز/ پۆلیس دهۆک لە هەرێم کوردستان، ئمڕوو شەممە، راگەیان دەسگیرکردن توومەتباریگ وە سیحر و جادووبازی وخەڵەتانن خەڵکەگە وەرانوەر «تەوەڕک».
موقەدەم هێمن سلێمان قسەکەر وەناو پۆلیس دهۆک لە بەیاننامەیگ رەسیە ئاژانس شەفەق نیوز وت: هێزیگ لە ناوەند پۆلیس نەورۆز لەناوڕاس دهۆک، توومەتباریگ وە وەکارهاوردن سیحر و جادوو لە شارەگە دەسگیر کرد، و ئاماژە کرد ک هێزەگە لەماڵەگەی چشتەیل تەوەڕک و جادووبازی پەیا کرد.
سلێمان دیاری کرد ک ئەرا ماوەیگە هێزیگ لە پۆلیس زانیاریەیلیگ لە باوەت توومەتبارەگە گردەو کەێد، و ئاماژە کرد ک توومەتبارەگە ئی کارەیلە وەرانوەر پویل لە خەڵکەگە ئەنجام دەێد.
