لە رۊ پیاو.. پێشانگەی کارەیل دەسڕەنگینی ژن لە هەولێر

شەفەق نیوز/ شار هەولێر، ئمڕوو سێشەممە، رێکخستن پێشانگەیگ ئەرا کارەیل دەسڕەنگینی ژنانە وەخوەی دی، وەبوونەی رووژ جەهانی ژن، و ئەو لایەنە ک رێکی خست دووپات کرد ک ئی پێشانگایلە گرنگە ئەرا ژن تا پشت وەپیاوەیل نەوەسێد.  

پەیامنێر ئاژانس شەفەق نيوز وت: پێشانگەیگ ئەرا کارەیل دەسڕەنگینی لەناوڕاس شار هەولێر سازیا، جۊر بەشیگ لەو کارەیلە ک کۆمەڵەیل ژنانە وە بوونەی رووژ جەهانی ژن سازن، و تەنیا ئەرا یەک رووژ وەردەوام بوود.   

پەیامنێر ئاژانسمان وتیش: ئی پێشانگایلە فرەکەس و خێزانەیل وەرەوە خوەی کیشێد، ئەی کارەیل دەسرەنگینیە ئەرا رەنگینکردن ماڵەیلیان زیاد کەن، ک یەیش سەرچەوەی داهاتە ئەرا بەشداربۊیەیل پێشەنگاگە. 

موشتاق نەبیل قسەکەر پێشەنگاگە وە ئاژانس شەفەق نیوز وت" 23 ژن خاوەن کارەیل دەسرەنگینی بەشداری کردنە لە پێشەنگاگە، ک ژوور بازرگانی کوردستان سپۆنسەری کردیە".

نەبیل وتیش؛" ئی پێشانگایەیلە فرە گرنگن ئەرا ژن ک هیلێد پشت وەخوەیان بوەسن وەبی ئەوەگ پەنا وە پیاو بوەن".