کۆڕیگ لەباوەت ئازادی رووژنامەنویسەیل لە خانەقین
2023-02-15T12:47:53+00:00
شەفەق نیوز/ سەندیکای رووژنامەنویسەیل هەرێم کوردستان لە شار خانەقین، ئیوارەی ئمڕوو چوارشەممە، کۆڕیگ لەباوەت ماف رووژنامەوانی و ئازادی قسەکردن وەڕیەو برد.
کۆڕەگە لەناو چایخانەی کەلتوری (میلکان) لە شار خانەقین، وە باسیگ وەلایەن راویژکار یاسایی عەدنان عەبدولرەحمان دەسوەپی کرد، وە ئامادەبوین بڕیگ لە رووژنامەنویس و روشنهویرەیل شارەگە.
دویای تەواوکردن باوەتەگە وەلایەن عەدنان عەبدولرەحمان، ئامادەبویەیل دەسکردنە پرسیارکردن لە باوەت و کیچەڵەیلیگ یاسایی، و ئەو باوەتەیلە لەناو کۆڕەگە شیەو کریان.
