لەبان پەلامارەگەی پارێزگای ماردین چوار گومانلیکریاگ دەسگیر کریان
دویەشەو لە ناوچەی یەنیکۆی لەبان ری ئارتوکڵو-نسێبین، لەلایەن کەسەیلیگ نەناسیاگ، پەلاماریگ چەکداریی کریا بام ماشینیگ ک تابلۆگەی پارێزگای دهۆک بویە، و دویای رویداوەگ، تیمەیل پولیس و تەندروسیی رەسینە شوین رویداوەگە، لە پەلامارەگە چوار کەس ناو ماشینەگە وەکوتپڕ گیانیان لەدەسدان، و یەکیگیان زەخمدار بوی، و دویای رەساننی ئەرا خەسەخانە، ئمڕوو ئەویش گیانی لەدەسدا.
قوربانیەیل ئی کەسەیلە بوین: هەندرێن عەبدوڵڵا ساڵح (٣٩ ساڵ) و واحیدە حەیدەر جاسم (٦٣ ساڵ) و عەبدوڵڵا ساڵح مستەفا (٦٩ ساڵ)، چیمەن شاهین خالید (٧٥ ساڵ) و ئەحمەد جەلالەددین ئیبراهیم (٤٥ ساڵ).
لەلایەن پارێزگای ماردین، باس لەوە کریا ک لێکۆڵینە لەو رویداوە تراجیدیایە وەردەوامە.
وتیش: ''لە ئەنجام لێکۆڵینەوە هەر یەک لە م.ش. ، ف. ئا. ، ئا.ی. و ئا.ک. کە گومانلیکریاگ رویداوەگەن وە فەرمان سەرۆکایەتی داواکاری گشتی کۆمار ماردین دەستگیر کریانە.
