لەبان دڵنگ کوردی دەسەڵاتەیل تورکیا نیەیلن سەرۆک یانەی دهۆک بچوودە ناو یاریگا
2024-04-21T18:44:36+00:00
شەفەق نیوز/ شەڤان ئەتروشی، وەرپرس راگەیانن یانەی وەرزشی دهۆک، ئاشکرا کرد کە دەسەڵاتەیل ئەمنی تورک وەڕیەوبەر یانەگە گیر هاوردنە و تەیشتن لە بازی خول تووپان تورکی ئامادە بوود
ئەتروشی ئەرا ئاژانس شەفەق نیوز وت: سەرۆک یانەی دهۆک عەبدولڵا جەلال خوازیە ئامادە لە بازیکردن تیم ئامەد سبور بوود لەناو یاریگای تیمەگە لە ویلایەت دیار بەکر، لە خول پلە یەک تورکیا، وەلێ هیزەیل ئەمنی تەیشتن بچوودە ناو.
وتیش؛ سەرۆک یانەی دهۆک دڵنگ کوردی لەوەری بویە، ئەراوە تەیشتن بچوودە ناو بازیەگە، باوجی سەرۆک شارەوانی دیار بەکر دەسدادە وەر و هیشتن بچوودە ناو.
