كۆڕونا گیان خانمە وەرپرس رێکخراو کورد فەیلی ئەرا ماف مرۆڤ لەدەس بەێد

كۆڕونا گیان خانمە وەرپرس رێکخراو کورد فەیلی ئەرا ماف مرۆڤ لەدەس بەێد
2020-10-25T10:02:57+00:00
شەفەق نیوز/ خانمە وەرپرس رێکخراو کورد فەیلی ئەرا ماف مرۆڤ لە پارێزگای سلێمانی، پسپۆڕ جیولۆجیا، نەزیرە ئیسماعیل کەریم، لەوەر سەختەوبوین کاریگەریەیل تووشهاتنی وە ڤایرۆس کۆڕۆنا لەتەمەن ٦٧ ، ئمڕوو یەکشەممە، کۆچ دویایی کرد.
دکتۆر عامر موڕاد ئەندام دامەزراو گەرمەسێر ئەرا کورد فەیلی، و پسپۆڕ بیماری کۆڕۆنا لە خەسەخانەی شەهید ئاسۆ لە سلێمانی، ئەرا ئاژانس شەفەق نیوز وت: رەحمەتی لەوەر خراوبوین رەوش تەندروسیی، دوێەکە شەممە بریا وەرەو خەسەخانە، و لە هۆڵ چەودیری وورد، ئمڕوو شەوەکی لە کاریگەری کۆڤید-١٩ لەبان هەناسەی، کۆچ دویایی کرد.
نەزیرە ئیسماعیل کەریم، لە بنەماڵەی کوردیگ فەیلی، لە ساڵ ١٩٥٣ لە بەغداد لە داڵگبوی، و لەورا خوەنەواری بنەڕەتی و ناوەندی و ئامادەیی تەواو کرد.
نەزیرە کەریم لە ساڵ ١٩٧٠ چگە کۆلێژ زانستەگان، لە بەش جیۆلۆجیای گشتی.
لە نۆڤەمبەر ١٩٧٤ لە بەش ئەندازیاری نەفت لە کولێژ ئەندازیاری لە زانکۆی بەغداد جیگر بوی، و خوەی زووان کوردی وعەرەوی و ئینگلیزی وفارسی زانێد.
رەحمەتی وخیزانەگەی لە سەرەتای هەیشتاگان لە هەڵمەت بارکردنەگە لەلایەن رژیم وەرین دژوە کورد فەیلی بار کریان.
تا هەفت مانگ جوور یاوەر باڵوێز قەتەر لە تەهران کار کرد، ئیجا وەرگێڕان زووانەیل ئینگلیزی وفارسی وعەرەوی لە خود باڵیۆزخانەگە ئەرا ماوەی دە ساڵ کرد، تا ساڵ ٢٠٠٤ وەختیگ هاتەو ئەرا عراق.
زیاتر لە بیس کتاو لە چینەیل سیاسی و ئابووری و کۆمەڵایەتی و ئەدەبی لە وەخت کارکردنی لە باڵیۆزخانەگە وەرگێڕان کردگە.
دویای هاتنەوەی ئەرا عراق، بویە ئەندام وەڕێۆبردن لە ئەنجومەن گشتی کوردەیل فەیلی، و بویە وەڕێۆبەر نووسینگەی عراقی ئەرا ئاشتی IIP ، ک خوەی لق بەغدادە ئەرا ناوەند جهانی ئەرا ئاشتەوایی و ئەندام دەزگای جیوەجیکردن ئەرا خود پەیمانگەگە.
رەحمەتی وەردەوامبوی لە کار وەرگێڕان و توێژینەوە لە باوەتەیل کورد فەیلی، بیجگە کارەیل خوەی جوور پسپۆڕ جیۆلۆجیایی، هەمیشە خاوەن کارەیلیگ ئەدەبیە لە شیعر و پەخشان و ژمارەیگ لە وتارەیل سیاسی و کۆمەڵایەتی لەناویان باس زیان کورد فەیلی کردیاد و دەنگیان رەسانیاد.
Shafaq Live
Shafaq Live