''تەسفیر'' رۆمانیگە جینوساید کورد فەیلی لە عراق لە چەن سووکیگەو خەێدە وەرچەو
شەفەق نیوز/ نووسەر موئەیەد عەبدولسەتار، رۆمانیگ دەرکرد زیان بارکردن خەڵک چین کورد فەیلی خەێدە وەرچەو، ک چەن جاریگ لە ماوەی سەدەی بیس کەفتنە وەر وەزوور بارکردن.
سەختترین شەپۆل بارکردنەگە لە ساڵ ١٩٨٠ بوی، ک هەزاران خیزان کورد لە بەغداد و واسیت ودیالە ومیسان و ئەو ناوچەگان ناوڕاس وباشوور عراق بارکریا، ودەسەڵاتەگان لەو وەختە هەزاران گەنجەیل ک تەمەنیان لەناونی ١٥ و ٤٠ ساڵان بوی بیسەروشوونیان کردن لە قەورسانەیل کومەڵی.
عەبدولسەتار لە باسکردن ووردەکاری ئی رۆمانە ک چاپیگی ئەرا ئاژانس شەفەق نیوز پێشکەش کرد و وەزووان عەوەری نووسیاگە وت: چیرووک بارکردنەگە دووارە شیوەی ئارازوەگان ئەو گەنجە تیەرێدەو ک ناوی جوامیرە، لە هاتنەوەی ئەرا شارەگەی ودووسەگەی ک ناچاربوی بیلێدەیانە جی، وئیجا رووداوەگان لەی تەوەرە تیەن.
وتیش؛ هەڵمەتەیل بارکردن زوورانە ک دژوە کوردەگان بەغداد و ناوڕاس و باشوور عراق کریا، لە وەختیگ یاسای شناسنامەی عراقی لە ناوڕاس بیسەگان دانریا، ک ئووشێد عراقی خوەی ئەوەسە ک بەڵگەنامەیل عوسمانی دیرێد، وەیەوە نیم خەڵک عراق لە هاووڵاتیی نائومید کرد وکردەیانە لایەنگر ئیرانی، چوونکە عراق وەرجە سەروەخوەیی لە ژیر دەسەڵات هەردوگ دەوڵەت عوسمانی وئیرانی بوی، وفرەی دانیشتوەیل ناوڕاس و باشوور عراق بەڵگەنامەی ئیرانی دیرن، ئەراوە وەپیان وتن (تەبەعیە).
وتیش: یەکەمەین هەڵمەتەیل بارکردن لە سەردەم شاهی لەناوبریاگ بوی، دویای رووداوەیل راپەڕین حەی لە پەنجاگان سەدەی گوزەیشتە.
ئەرا خوەنستن چیرووکەگە دەسبنە (ئیرا)
