فرۆکەیل تورکیا پەلامار کۆمەڵگەیگ نیشتەجیبوین دەن لە باشوور شەنگال

شەفەق نیوز/  فرۆکەیل جەنگی تورکیا، ئمڕوو جومعە، گورزەیل ئاسمانی ئەرا بنکەی هیزەیل حیزب کراکارەیل کوردستان وشانن لە باشوور قەزای شەنگال سەر وە ئیدارەی پارێزگای نەینەوا باکوور عراق.

سەرچەوەیگ ناوخوەیی وە ئاژانس شەفەق نیوز وت، فرۆکەیل تورکیا ئمڕوو نیمەروو پەلامار کۆمەڵگەی(کر عەزیز) لە باشوور شەنگال دان.

وتیش، لە پەلامارداینەگە بنکەیل سەر وە یەکەی پاراستن شەنگال (یەبشە) و هیزەیل " ئێزیدیخانیە" سەر وە حزب کراکارەیل دژە رژێم لە ئەنقەرە کریاسە ئامانج.

تا مەوقەی نویسین خەوەرەگە بڕ زەرەردەیل پەلامارەگە نەزانریاگە.