فریاکەفتن سلێمانی ئاشکرای هووکارەیل قەیران سوتەمەنی ماشینەیلی کەێد
2022-12-12T11:28:13+00:00
شەفەق نیوز/ وەڕیەوبەر بەنکەی فریاکەفتن سلێمانی، ئمڕوو دووشەممە، ئاشکرای هووکارەیل قەیران سوتەمەنی ماشینەیل فریاکەفتن بنکەگەی کرد.
سامان نادر ئەرا ئاژانس شەفەق نیوز وت: زاقترین هووکارەیل قەیران سوتەمەنی، ئەوەسە ک پویل لەناو باکەیل هەرێم کوردستان لق سلێمانی نییە، وتیش: چەکەیل سوتەمەنی وەلایەن بانک خەرج نەکریا چوینکە پویل لە پارێزگاگو نییە.
نادر دووپات کرد ک ماشینەیل فریاکەفتن بە چە رووژیگە نیمچە پەکیگ لەکار کەفتنە، بیجگە رەوشەیل دەسپاچە، و دیاری کرد ک ئەگەر یەکیگ لە لایەنەیل ١٠ هەزار لەتر وەپیمان نەێد، خو مەگەر چەن رووژیگ بەشمان بکەێد، ئەوەیش تەنیا ئەرا کارەیلیگ دەسپاچە.
دویەکە یەکشەممە، وەریەوبەرایەتی فریاکەفتن سلێمانی ئاشکرا کرد ک کەمی سوتەمەنی هیشت ماشینەیل فریاکەفتن لەکار بکەفن.
