فڕۆکەیل رزگارکردن لە سلێمانی لەساڵ ٢٠٢٢ شمارەی ١٥ کەس رزگار کەن و بڕیگ تەرم درارن
عەمید حسێن فەیزولڵا وەرپرس تیم فڕۆکەیل رزگارکردن لە فرۆکەخانەی ناودەوڵەتی سلێمانی لە کۆنگرەیگ رووژنامەوانی ئاژانس شەفەق نیوز ئامادەی بوی وت: لە ساڵ ٢٠٢٢ گوزەشتە، ١٠٠ چالاکی هەمەڕەنگ لە پارێزگای سلێمانی جیوەجی کریا، رزگارکردن و پاڵپشتیکردن لە دەسگیرکردن تاوانبارەل و هەمیش کپەوکردن شمارەیگ ئاگر.
وتیش: سێ هاووڵاتی لەژیر وەفر لە کوێەیل شنرێ رزگار کریان، و تەرم ٣ گەنج خنکیاگ لە ناوچەی ماوت دراوردن، و هەمیش تیمەیل فڕۆکەیل دەسمیەتی خوەراک و سوتەمەنی ئەرا هیزەیل پیشمەرگە لە ناوچە بەرزەیل لەوەر وەفر پیشکەش کردن، و ٨ ئەندامیش لە هیزەیل پیشمەرگە رزگار کردنە ک لەناو کوێە لەوەر وەفر گیر هاتوێن.
لەباوەت ئۆپراسیۆنەیل هاوبەش ک بەشەگە وەگەرد ئەو لایەنەیل ئەمنی جیوەجی کردیە، عەمید حسێن فەیزولڵا وتیش: بەشداری لە دەسگیرکردن بڕیگ لە بازرگانەیل هوشبەری لە ناوچە کوێەیلە بەشداری کردیە.
وتیش: پارەکە ٥ هەڵمەت وە هاناڕەسین ئاژەڵەیل لە وەرز وەفر جیوەجی کردنە هەنای یەخ شوینەیل فراوانیگ پووشێد و فرە لە ئاژەڵەیل هشکایی لەوەڕ وەدەسیان نەکەفت.
