ريژەی لە داڵگبوین لە کۆریای باشوور ئەرا نزمترین ئاست داوەزیە و ریژەی مردنیش بەرزترین ئاست توومارکرد

شەفەق نیوز/ وەپای ئامارەیل فەرمی ئمڕوو چوارشەممە، ئاژانس خەوەری ئەڵمانیا، شمارەی لە داڵگبوین زاڕوو لە کۆریای باشوور وەشیوەیگ پەیمانەیی داوەزیایە لە چارەکی دویەم ئمساڵ، لەوەرانوەری مردنەیل ئەرا بەرزترین ئاست بەرزەوبویە لەو ماوەی وە پیربوین زوی  و پەتای کۆرۆنا.

ئاژانس خەوەری "یونهاب"  ئاماریگ ک دەسەی ئامار کۆریا بڵاوکردیە، لەماوەی مانگ نیسان تا حوزەیران، 59 هەزار و 961 زاڕوو لە داڵگبوینە، 9.3 لە سەد داوەزیایە وەچەو پارەکە.

ئیە کەمترین شمارەس لە چارەک دویەم ساڵ لەو ماوە ک دەسەی ئامار لە ساڵ 1981 دەسکردیە وە گردەوکردن زانیاری پەیوەندیدارەیل ئەو باوەتە.

کۆریای باشوور رویوەروی داوەزین شمارەی لەداڵگبوین وەگەرد درەنگ ژنخوازین فرەیگ لە گەنجەیلە یان زاڕوو هاوردن بویە، چوینکە وەگەردیا رویوەروی داوەزین ئابوری و بەرزبوین نرخ شوین نیشتەجیبوین بوون.