فڕۆکەیل تورکیا بمباران عمادیە کەن
2020-12-12T10:07:45+00:00
شەفەق نیوز/ وەچەودیەلیگ، ئمڕوو شەممە، خەوەردان لە بمباران ناوچەیلیگ لە قەزای عمادیە لە پارێزگای دهۆک لە هەرێم کوردستان لەلایەن فڕۆکەیل تورکیا.
سەرچەوەگە ئەرا ئاژانس شەفەق نیوز وت: شەوەکی ئمڕوو، فڕۆکەیل تورکیا بمباران ناوچەیلیگ لە ناحیەی جمانکی سەروە قەزای عمادیە لە دهۆک کردن.
سەرچەوەگە وتیش؛ بمبارانەگە دووڵ ئەفاوکی لە باکوور ناحیەگە کردە ئامانج، وەبی زانستن زەرەدەگان.
وەرجە زیاتر لە یەک مانگ، ئی ناوچەیلە رویوەڕوبینەیلیگ لەناوبەین پەکەکە و هێزەیل پێشمەرگە وەخوەیان دین.
لەلاییگ تر، وەچەودیەلیگ ئەرا ئاژانس شەفەق نیوز وتن؛ فڕوکەیل تورکیا، شەوەکی ئمڕوو، هەمیش دووارەی بمبارانەگەیان لەبان ناوچەیل کویەی مەتین لە نزیک ناحیەی شێلادزێ لە خوەرهەڵات قەزای عمادیە کردن.
