فڕۆکەیل تورکیا بمباران بەرزایی کویەیل باکوور دهۆک کەن

فڕۆکەیل تورکیا بمباران بەرزایی کویەیل باکوور دهۆک کەن
2022-07-23T15:12:42+00:00

شەفەق نیوز/ فڕۆکەیل جەنگی تورکیا، ئمڕوو شەممە، گورزەیلیگ ئاسمانی لەبان بەرزایەیل کویەیل لە باکوور دهۆک لە هەرێم کوردستان جیوەجی کردن، وە سنگ جەنگ وەگەرد پەکەکە. 

سوپای تورکیا، لەبان ئەو پەلامارە ک تووپەیلی سەیرانگایگ گەشتیاری لە ناوچەی سەروەخوەی زاخۆ کردنە ئامانج، و ٩ قوربانی لە گەشتیارەیل عراقی بوینە قوربانی وبڕیگ تر زەخمدار بوین لە ژن ولە مناڵ لەناویان بوی، ک هیشت بەغداد شەرمەزاری سەختیگ بکەێد، و یاداشتنامەی ناڕەزایی دا دەس باڵیۆز تورکیا.  

سەرچەوەیگ ناوخوەیی ئەرا ئاژانس شەفەق نیوز وت: فڕۆکەیل تورکیا، ئیوارەی ئمڕوو شەممە، بمباران شوینەیل پەکەکە کردن لە کویەی مران سەروە ناحیەی جمانکی باکوور دهۆک.   

لەلایگتر، سەرچەوەیگ ئەمنی وت: فڕۆکەیل تورکیا، ئمڕوو بمباران شوینەیلیگ لە زنجیرەی کویەیل مەتین لە دهۆک کردن، وتیش: گورزەگە کەفتە دەورگرد ئاوایەیل "كوهرزي و بلافە" وەبی زانست بڕ زەرەدەیلی.  

جی باسە ک یە سێیەم جارە ئی ناوچە کەفێدە وەر پەلامار فڕۆکەیل تورکیا وەماوەی دوو رووژ. 

ئی پەلامارە وەگەرد ئەوە تیەێد ک ئەنجومەن نوینەرەیل عراق، ئمڕوو شەممە، دانیشتنیگ تایبەت ئەنجام دا، لەناوی میوانی فوئاد حسێن وەزیر دەرەو، وجمعە عناد وەزیر وەرگری کرد، ئەرا باسکردن لە تووپواران سەیرانگای بەرخ لە زاخۆ.   

Shafaq Live
Shafaq Live