کەشوهەوای 48 ساعەت ئایندەی هەرێم کوردستان
2024-02-24T08:35:43+00:00
شەفەق نیوز/ دەسەی کەشناسی و زەویلەرزەناسی هەرێم کوردستان، ئمڕوو شەممە، کەشوهەوای 48 ساعەت ئایندەی هەرێم راگەیان.
دەسەگە لە بەیاننامەیگ رەسیە ئاژانس شەفەق نیوز راگەیان، ئمڕوو ئاسمان ئەور تەواویگە لە فرەیگ وەختەیل نمە واران وارێد لەبان ناوچە کویەیلە و پلەی گەرمی نزیکە لە توومارەیل دویەکە.
ئاشکەرایکرد "سوو یەکشەممە ئاسمان لە ناوەین ساماڵ و نیمەئەورە لە وەخت ئیوارە ئاڵشت بوود ئەرا ئەور تەواو و وەگەرد نمە واران وارین، تونی وا چالاکەو بوود و هاتی تەپو توز بەرزەو بوود لەناوچەیل سلێمانی و کەرکوک و گەرمیان".
بەرزترین پلەی گەرمی مەزەنەکریاگ وە سیلیزی:
هەولێر : 17
سلێمانی : 15
دهۆک : 16
کەرکوک : 19
هەڵەبجە : 15
زاخۆ : 17
سۆران : 11
حاجی ئۆمەران : 5
گەرمیان : 22.
