کەشناسی... ئیوارە کۆتایی وە خوەڵوارین تیەێد

 شەفەق نیوز/ کەشناسیی هەرێم کوردستان، ئمڕوو پەنجشەممە، پێشبینییەیل  کەشوهەوای ئمڕوو و سوو بڵاکرد و راگەیان، ئمڕوو ئاسمان ساماڵ و کەمیگ ئەورە وەگەرد خوەڵوتوز  سووکیگ. 

لە بەیاننامیگ وەڕێەوبەرایەتی گشتیی کەشناسی و زەویلەرزەی هەرێم کوردستان راگەیان "ئمڕوو ئاسمان ساماڵ و پەڵە ئەور بوود، وەگەرد خوەڵوتوز سووکیگ لە ئیوارە کاریگەریەگەی نیەمینێد.

وتیش"سوو جومعە ئاسمان ساماڵە چەن لەکە ئەوریگیش دوینیەێد".   

بەرزترین پلەی گەرمای پیشبینیکریای ئمڕوو : هەولێر 37 پلە، دهۆک  35 پلە, سلێمانی 36 پلە, گەرمیان41 پلە, کەرکوک 39 پلە،  هەڵەبجە 38 پلەی سیلیزیە.