کەشناسی...پلەی گەرما یەک تا دوو پلە بەرزەوبوین وە خوەی دوینێد

شەفەق نیوز/ وەریەوبەرایەتی گشتی کەشناسی و زەویلەرزەی هەرێم کوردستان، ئمڕوو دووشەممە، پیشبینییەیل کەشوهەوای ئمڕوو و سوو پارێزگایەیل بڵاوکرد.   

وەپای پیشبینیەیل وەریەوبەرایەتیەگە،  ئمڕوو دووشەممە وەگشتی ئاسمان فرەیگ لە  شارەیل ساماڵ بوود، وەگەرد زیاد بوین خێراى وا  لە بەشیگ لە ناوچەیل پاریزگاى سلێمانی، هاووەختیش مەوداى نووڕستن (٩ - ١٠) کم  بوود، پلەیل گەرمایش نزیکەو بوود لە توومارەیل دویکە. 

کەشناسی هەرێم لەباوەت کەشوهەوای سوو راگەیان، سوو سێشەممە ئاسمان وەگشتی ساماڵە، هەمیش خێراى وا لە بەشیگ لە ناوچەیل سلێمانى و کەرکوک زیاد کەێد، پلەیل گەرمی یەک ئەرا دوو پلە وەبەراورد وە توومارەیل رووژ گوزەشتە بەرزەو بوود.