شاندیگ ئەمنی وە سەرۆکایەتی وەزیر ناوخۆ رەسێدە هەرێم کوردستان
شەفەق نیوز/ سەرچەوەیگ وەرپرس لە وەزارەت پێشمەرگە، ئمڕوو شەممە، خەوەردا لە رەسین شاندیگ ئەمنی و سەربازی لە حکومەت فیدراڵ ئەرا هەرێم کوردستان.
سەرچەوەگە ئەرا ئاژانس شەفەق نیوز وت: هەرلە عوسمان غانمی وەزیر ناوخۆ، و عەبدولئەمیر شمەری جیگر فەرماندەی ئۆپراسیۆنەیل هاوبەش، و بڕیگ لە فەرماندەیل ئەمنی و سەربازی لەناو شاندەگە بوین.
وتیش: سەردانەگە ئەرا وەسەرکردن ناوچەی کنار سنوور سوریا هاتیە ک ها دەس حکومەت هەرێم کوردستان.
وتیش: شاندەگە ئەوەسا چەوی کەفێدە فەرماندەیل ئەمنی و سەربازی لە هەرێم کوردستان ئەرا دانوسەنین لە باوەت ئارامی سنوور.
ئەو شاندە ک غانمی و شمەری و فەرماندەیل هیزەیل سنوور وفەرماندەیلیگ ئەمنی هاناوی، ئمڕوو رەسیە فەرماندەیی سنوور ناوچەی شەشەم لە خوەرئاوای شنگال، ئەرا نووڕستن لە ئارامی سنوور عراق وسوریا.
سەرچەوەیگ ئەمنی ئەرا ئاژانس شەفەق ئویشێد: شاندەگە نەهیشت میدیایل راگەیانن بڕەسنە لایان، و دیاری کرد ک سەردانەگە ئەرا وەسەرکردن پارچەی سنووری وریکارەیل ئەمنی وە درویژی پارچەگە وەگەرد لایەن سوریا و تورکیا هات.
