شاندیگ پایەبەرز لە حکومەت هەرێم کوردستان سوو سەردان بەغداد کەێد
2023-09-13T11:25:54+00:00
شەفەق نیوز/ بڕیارە شاندیگ پایەبەرز لە حکومەت هەرێم کوردستان، سوو پەنجشەممە، سەردانیگ ئەرا بەغداد پایتەخت ئەنجام بەێد، ئەرا باسکردن لە ناکۆکییەیل و گرفتەیل گیرهاتگ ناوەین هەردوگلا.
پێشەوا هەورامی قسەکەر حکومەت هەرێم کوردستان وت: هەرلە مەسرور بارزانی سەرۆک حکومەت و قوباد تاڵەبانی جیگری، وەگەرد شمارەیگ لە وەزیرەیل هانە ناو شاندەگە.
نێچیروان بارزانی سەرۆک هەرێم کوردستان، ئمڕوو پەنجشەممە، دووپات کرد لە گرنگی ئەوە کە پرس مووچەی فەرمانبەرەیل و کراکارەیل کەرت گشتی نەخەنە ناو ململانێ سیاسی، و هەمیش راگەیان کە خوەی و سەرۆک حکومەت هەرێم کوردستان هەر وەختیگ خوازیاگ بوی سەردان بەغداد کەن، ئەرا چارەکردن گرفتەیل گیرهاتگ ناوەین هەولێر و بەغدا.
