شەنگال باوەش کەێدە پەیکەر "جيلان برجس".. وێنە

شەفەق نیوز/ لە قەزای شەنگال، ئمڕوو شەممە،  پەردە لە پەیکەر جيلان برجس لادریا، ئەو دۊیەت ئەیزیدیە ک خوەی کوشت تا نەکفێدە کۆیلەی دەس داعش، ئەوەیش لەماوەی ئەو پەنج رووژە لە رفیانی لە ساڵ ٢٠١٤.  

هاووڵاتیەیلیگ لە شەنگال ئەرا ئاژانس شەفەق نیوز وتن؛ پەردەگە لە پەیکەر دۊیەتە ئەیزیدیەگە لە ناحیەی کوڕ عەزیز لە باشوور شەنگال لادریا، و دیاری کردن ک جیلان لە ساڵ ١٩٩٥ لەداڵگبۊیە،  و قەدەس داعش رفیا و رازی وەشۊیکردن وە یەکیگ لە چەکدارەیل داعش نەۊی، و دەمارەیل دەس خوەی بڕێد تا دەس تیرۆریستەیل وەپی نەڕەسن.  

جيلان برجس لە خیزان شەمێ داڵگە ک لە داگیرکردن شەنگال لەلایەن داعش لە ساڵ ٢٠١٤ ٣٢ کەس لە خیزانەگەی کوشیا.