سلێمانی.. وسیانیگ ناڕەزایی لەبان پەلامارەیل تورکیا
شەفەق نیوز/ بڕیگ لە ریخریاگەیل کۆمەڵگای مەدەنی و چالاکوانەیل مەدەنی لە پارێزگای سلێمانی، ئمڕوو یەکشەممە، وسیانیگ ناڕەزایی لەبان وەردەوامی پەلامارەیل تورکیا لەبان زەویەیل کوردستان عراق و سوریا ڕێک خستن.
چالاکوان مەدەنی بەختیار محمد لە کۆنگرەیگ رووژنامەوانی ئاژانس شەفەق نیوز ئامادەی بوی وت: دووارەوبوین پەلامارەیل تورکیا لەبان شوینەیل گەل کورد، بەلگەی ئاشکراس لەبان ئەو دژایەتی ژیروەژیرە لەلایەن ڕژیم تورکیا وەرانوەر کورد.
وتیش: داوا لە نەتەوە یەکگرتگەیل ریخریاگەیل مافپەروەر و مرۆیی لە گشت جەهان کەیمن ئەو دەسدرویژیە رەت بکەن.
چالاکوانەیل داوا لە نەتەوە یەکگرتگەیل و ئەنجومەن ئاسایش ناودەوڵەتی کردن دادکاری و سزای تورکیا بیەن لەبان ئی دەسدرویژی خویناویە لەبان گەل کورد.
شەفەق ئمڕوو یەکشەممە، وەزارەت وەرگری تورکیا، جیوەجیکردن پەلامارەیل ئاسمانی لەلایەن فڕۆکەیلی لەبان شوینەیل پەکەکە و باڵەیل لایەنگری لە باکوور سوریا و عراق راگەیان.
