سلێمانی ها لوتکەی رێژەی دەزویرانی و جیاوەبوین لە هەرێم کوردستان لەماوەی 2024

شەفەق نیوز/ پارێزگای سلێمانی لەماوەی ساڵ2024 بەرزترین رێژەی دەزویرانی و جیابوینەوە لەبان ئاست هەرێم کوردستان توومارکرد، وەپای داتا فەرمیەیل کە دادگای وەپیاچگن هەرێم بڵاویکردیە.

وەپای ئەو ئامارەیلە کەفتیەسە دەس ئاژانس شەفەق نیوز، شمارەی دەزورانی کە لە سلێمانی توومارکریاس  18,522 حالەتە، و دادگایەیل  5,745 حالەت جیابوین توومارکردنە و ها لوتکەی لیست شارەیل هەرێم لە هەردوو رێژەگە، هەمیش 19 حالەت ژن خوازین دویەم لەماوەی هەمان ساڵ توومارکریاس.

 لە وەرانوەر،  17,591 دەزورانی لە هەولێر توومارکریاس  و3,878 حالەت جیاوەبوین، وەرد 45 ژن خوازین دویەم، و  لە دهۆک 12,199 حالەت دەزورانی و2,033 جیاوەبوین توومارکریاس وەگەرد 24 ژن خوازین دویەم

باوجی لە گەرمان و کەرکوک هویچ ژن خوازینیگ دویەم توومارنەکریاس، و شمارەی دەزورانی  2,706 حالەتە، وەرانوەر 728 حالەی جیاوەبوین.

شمارەگە گوزارشت لە بەرزەوبوین دەزورانی کەێد لەسلێمانی وەبان ئاڵنکاریەیل ئابووری و کۆمەڵایەتی، و بەرزەی شمارەی جیابوینەیل پرسیار لەبان مەودای سەقامگیری پەیوەنی زەواج کەێد لە بارودۆخ ئیسە.

وە رای پسپۆرەسل "فاکتەرەیل ئابووری و ئاڵشتبوین کۆمەڵایەتی رۆل گەپیگ دیرێد لە زیایبوین حالەت جیاوەبوین، لەهەمان وەخت رێژەی ژن خوازین دویەم سنووردارە بەراورد وە کوودەزورانیەیل، یە نیشاندەێد هەڵوژاردن زەواج یەک ژن هەڵوژاردن بنەرەتیە لە هەریم.