سلێمانی.. سویریگ ئەرا ٤٨ بووک و زاوا لە خاوەن خوازینە تایبەتەکان (وێنە)
شەفەق نیوز/ شار سلێمانی، ئمڕوو پەنجشەممە، سویریگ کۆمەڵی ئەرا ٤٨ بووک و زاوا لە خاوەن خوازینە تایبەتەکان و کەم داهاتەیل وەخوەی دی.
زاهیر رەش یەکیگە لە بازرگانەیل سلێمانی و ئاهەنگەگە رێک خستگە، ئەرا ئاژانس شەفەق نیوز وت: هەڵمەتەگە وە ئامادەکردن و سازین ئاهەنگ سویر ٤٨ کەس لە خاوەن خوازینە تایبەتەکان لە هۆڵ ئازادی مۆڵ لە شار سلێمانی کریا.
رەش دیاری کرد ک سویرەگە وەئامادەبوین کەسوکارەیل و برادەرەیل کریا، ک خوەی هەڵمەتیگ مرۆییە و دووسیە ئەرا ئی چین گرنگە لە کۆمەڵگاگە، وتیش؛ ئەوە ئەرک گشت توانادریگە ک کار خەیریگ بکەێد.
هەمیش وت: گشتمان وەرانوەر یەکتر وەرپرسەیاریمن، و خاسترین کەس ئەوەسە ک سوودمەن مەردم کەێد، و بایەدە کەمی ئەواکان وە هاوکاری بڕەو بکەیمن، و باس دابینکردن کرای دڵنگەیل و ئاهەنگەگە و تاقە خواردنیگ و دیاریەیل و چشتەیلیگ تر وە هەڵمەتیگ لەبان گەردن خوەی و بەشیگ لە خەیرخوازەیل کرد، ئەرا ئەنجامدان ئی کار خەیرە ک حەسەناتەکان زیایەو کەێد.
