سلێمانی...دیرکەفتن مووچە و بانوخوارکردن دۆلار توان سەنین و جموجویل بازاڕ وسنێد
وەڕێوبەر سەندیکای بازرگانی لە سلێمانی سۆران عەبدولغەفور وە ئاژانس شەفەق نیوز راگەیان، لیژنەیل تایوەت وە وەڕێوبەرایەتیەگە چەودێری بازرگانەیل کەن و شاوو رووژ گڕخوەن لە گشت بوونەیلە لەناو بازار شڵر سلێمانی ئەرا چەودێریکردن نرخەیل، باوجی ئەوەگ ئسفاکریا لەماوەی سێ مانگ کۆتایی داوزین وەرچەویگ لە جموجویل بازار و توان سەنیین هاوڵاتیەیل دوینرێد.
لەباوەت هوکارەیلی غەفور وت؛ دیرکەفتن موچەی مانگانە ئەرا زیارتر لەماوەی دوو مانگ لەبان یەک و بەرزونزمبوین نرخ دۆلار وەرانوەر وە پویل ناوخوەیی ئێ بارودۆخ ناجیگیریە لە ناو بازار سلێمانی دروسکردیە، نەک تەنیا لای هاوڵاتیەیل بەڵکم لای خاوەن دوکانەیل و بازرگانەیلیش.
دووپاتکرد، ئەو دووکانەیل بازرگانیەیلە کەرەستەیل جوانکاری و ناوماڵە و کارەبایی فروشن هەمیش پیشانگای ماشین و چشتەیلیگ ناسەرەکی فرووشن وە تەواوی و وەشیوەی وەرچەویگ کاریان وسیایە، دیاریکرد لەهەمان وەخت بەشەوکردن شتومەک لەرێ کارت بەشەخوەراک کاریگەری لەبان کەمەوکردن جویلەی بازار دروسکردیە کە شمارەیگ مادە لە بەشە خوەراک دریەد کە بەشەخوەراک کەفتیەس ژیر چەودێری هویردیگەو.
لەباوەت توومارکردن سەرپیچیەیل پەیوەنیدار وە نرخ و جویر و بڕوار وەسەرچگن وەڕیوبەر سەندیکاگە دیاریکرد، سەرپیچیەیل وەردەوامن و تیمەیلمان رووژانە هەڵسن وە غەرامەکردن سەرپیچیکەرەیل ئەرا وازینەکردن وە نرخەیلە و زەرەد نەرەسانن وە تەندروسی هاوڵاتیەیل.
