سلێمانی.. خۆپیشاندانیگ لە وەردەم پەرلەمان کوردستان
2021-02-04T08:32:59+00:00
شەفەق نیوز/ دەیان لە فەرمانەبەرەیل گریەبەسیەگان لە فەرمانگەیل دەوڵەت، ئمڕوو پەنجشەممە، خۆپیشاندانیگ لە وەردەم نووسینگەی پەرلەمان کردن، لەوەر ئەوە ک نەخریانە بان مەلاک هەمیشەیی.
لوقمان عزەت، یەکیگە لە ئامادەکارەیل ناڕەزایەتیەگە ئەرا ئاژانس شەفەق نیوز وت: ئیمە هایمنە وەردەم نووسینگەی پەرلەمان کوردستان تا دەنگمان بڕسنیمنە حکومەت وە ئاڵشتکردنمان لە فەرمانەبەرەیل گریەبەسیەگان ئەرا مەلاک هەمیشەیی، ک تەنیا یەک جار پەرلەمان لەبان پڕۆژەگە دەنگ خوەی دا، و نێزانیمن ئەرا دوویەم خوەنستنەگەی وسیا، و ئەرا زانیاری یاسا کۆنەگە پابەند حکومەت کەێد ک دویای ٣ ساڵ گریەبەسیەگان بکریەنە فەرمانبەر فەرمی، وەلی ئەوە جیوەجی نەکریا.
وتیش؛ فرەی ناڕەزاگان لە جووراجور فەرمانگە حکومەتیەگان ١٥ تا ٢٠ ساڵ وەشیوەی گریەبەسی گوزران کردنە و تا ئیسە وەفەرمی نەوینەسە فەرمانبەر.
