سلێمانی بانگوازیگ پەخش کەێد ئەرا ناسین چوار کەس لەرووداویگ سزیان
شەفەق نیوز/ دەسەڵاتە تەندروسیەگان لە سلێمانی، ئمڕوو جمعە، بانگوازیگ ئەرا خەڵکەگە پەخش کردن ئەرا ناسین ٤ کەس وە رووداویگ هاتووچو سزیان لە ری سەیرانگای دۆکان و قەزای رانیە.
دکتۆر یاد نەقشەبەندی قسەکەر وەناو تەندروسی سلێمانی لە کۆنگرەیگ رۆژنامەوانی ئاژانس شەفەق نیوز ئامادەی بوی وت: ٤ تەرم رەسیە پزشکی دادوەری وەتەواوەتی سزیانە ک ئاسان نیە شناسنامە و تەمەنیان ئاشکرا بکریەێد، وتیش ئاست سزاننەگە فرەیە و شیوە وروخساریان وەتەواوەتی نادیارکرد ونیەلێد قوربانیەگان بناسیەێد.
وئاماژەکرد ک لە ٤ کەس لە رووداوەگە مردن، دوو مناڵ و ژن وپیاویگ، و تا ئیسە لە کەسوکاریان سەردانمان نەکردگە، ودیاریکرد تەقەلا دەیمن لە کامیراگان بناسیمنەیان وژمارەی ماشینەگە بڵاو کردیمن.
نەقشەبەندی وتیش؛ تەندروسی سلێمانی نێتوێنێد قوربانیەیل رووداوەگە بناسێد، وداوا لە کەسوکار قوربانیەگان کەێد سەردان پزشکی دادوەری بکەن تا تەرمەیل کەسوکاریان وەربگرن.
