سلێمانی باج خەێدە لەبان رانندە و سوارەیل ئەوانەگ پابەند وە ریکارە مقەیەتیەکان نیین

شەفەق نیوز/ وەڕێۆبەرایەتی هاتووچو پارێزگای سلێمانی راگەیان لە رووژ ٢٠٢١/٤/٣ ئەوەسا دەسکەێدە چەسپانن باج دارایی لە بان ئەو رانندەیلە ک پابەند وە ریکارە مقەیەتیەکان نیین.

وەڕێۆبەرایەتیەگە ئمڕوو لە بەیاننامەیگ وت: وەزارەت ناوخۆی هەرێم کوردستان چەن بڕیار نوویگ ئەرا نواگردن ڤایڕۆس کۆڕۆنا لە بەیاننامەی ژمارە (١٢) لە ساڵ (٢٠٢١) دەرکرد، و لە مادەی ١٣ وت: بایەدە رانندەیل (تایبەت، بار، کرا) و لەوەختیگ سوارەیل وەگەردی بوون بایەدە دەمامەک وەکار بارن، و ئەگەر نە، باج ٢٠ هەزار دینار لەبان سوار و رانندەگە چەسپیەێد.

و دووپات کرد ک ئی بڕیارە لە ڕووژ شەممە، سێی نیسان کەفێدە ئاست جیوەجیکردن.