ڤیستواڵیگ کشتوکاڵی لە هەڵەبجە ئەرا پاڵپشتیکردن بەرهەم ناوخوەیی.. وینە و ڤیدیۆ
شەفەق نیوز/ لە پارێزگای هەڵەبجە لە هەرێم کوردستان، ئمڕوو شەممە، ڤیستواڵ هەفتەی بەرهەمەیل کشتوکاڵی سازیا ئەرا پاڵپشتیکردن بەرهەم ناوخوەیی، و پەیاکردن بازاڕ ئەرای. وەڕیەوبەر کشتوکاڵی هەڵەبجە، لە بەیاننامیگ رەسیە ئاژانس شەفەق نیوز: ڤیستواڵەگە ئەرا پاڵپشتیکردن کشاوەرزەیل ئەرا بازاڕکردن بەرهەمیان تیەێد، و لە رووژەیل شەممە و جمعە لە هەر هەفتەیگ ئەرا کشاوەرز و هاووڵاتییەیل وازە.
وتیش: ڤیستواڵەگە ئەرا پەیاکردن دەرفەت بازاڕکردن بەرهەم ناوخوەیی ئەرا هاوڵاتیەیل وە نرخ کەمتر لە بازاڕەیل پەیا کەێد، ئەوەیش وە وازکردن بازاڕیگ کشتوکاڵی هەفتانە ئەرا کشاوەرزەیل لە هەڵەبجە، وەبی هاوردن بەرهەمیان ئەرا عەلوەی سەوزە بەڵکم وە راستەخۆ ئەرا هاووڵاتی رەسێد.
وتیش: بەرهەم کشاوەرزەیل جویت تەماتە وبامیە و بایمجان و توی وبەرهەمەیلیگتر خریەێدە وەرچەو، و ئەوەسا بازاڕەگە لە دوو رووژ لە هەفتەگە واز بوود.
وەڕێەوبەرایەتی کشتوکاڵی دیاری کرد ک ئامانج ڤیستواڵە هافتانەگە ئەرا ئەوە تیەێد ک کشاوەرزەیل بتوەنن بەرهەمیان وە راستەوخۆ ئەرا بسینەیل بڕەسێد و بەرهەم تازە بکەفێدە دەسیان.
