یە ٢٢ ساڵە ئی کارە کەێد.. وێنەگر باخچەی سلێمانی باس خوەی کەێد
2021-04-06T12:57:24+00:00
شەفەق نیوز/ جواد بەکر محمد خەڵک شار سلێمانی، بە ٢٢ ساڵە وێنەگر فۆتوگڕافیە لە باخچەی گشتی لە شار سلێمانی، وێنەی گەشتیارەیل گرێد، تا لە دویارووژ ئەرایان بوودە یادگارییگ.
محمد ئەرا ئاژانس شەفەق نیوز باس کارەگەی کەێد، و ئووشێد: لە مناڵیەو فێرخواز وێنەگردن بویمە، و وەهیچ مەکتەویگ ئەرا هووکارەی وێنەگردن فۆتوگڕافی نەچگمە، ک دووسییم ئەرا گرتەیل وێنەکان هاندەریگە ئەرا هووکارەبوین ئی هونەر رەنگینە.
وتیش؛ دەسکردمە وێنەگردن و شوونیگ پەسەن کردم تا بوودە شوونیگ هەمیشەیی، و باخچەگە بویە شوون ناندەرکردن خوەم و خیزانەگەم، و ئەیە خوەمم یە ٢٢ ساڵە وێنەیل یادگاری ئەرا مەردمەگە گرم.
هەمیش ئووشێد؛ نرخەیل وێنەیل جووراجورن ک وەکامیرای دیجیتاڵ خوەم وێنەیان گرم و لەڕی مۆبایل وە واتساپ یا هەر بەرنامەیگ تر وە ١٠٠٠ دینار جاروباریش وە ئەرزانتر ئەرایان کلی کەم، ووەگورەی دەرفەتەیل کارەگە، و ٢٠٠٠ دینار وەرانوەر چاپکردن راستەخۆی وێنەکان وەرگرم.
ودیاری کەێد ک کارەگە لەوەر کاریگەریەیل کۆڕۆنا کەمەو بوی، و فرەی مەردمەگە مۆبایل نوو دیرن و ئەرا خوەیان وێنە گرن.
