سەندیکای رووژنامەنووسەیل کوردستان ناڕەزایەتی لە بڕیاریگ لەلایەن دهۆک لەباوەت ئاهەنگەگان کەێد
2020-12-27T12:47:08+00:00
شەفەق نیوز/ سەندیکای رووژنامەنووسەیل کوردستان لق دهۆک، ئمڕوو یەکشەممە، راگەیان ناڕەزایەتیی لەبان بڕیاریگ لەلایەن وەڕێۆبەرایەتی پارێزگاگە وە قەیەغەکردن ئاهەنگەگان.
ئەڤین حسێن خانمە وەرپرس سەندیکای رووژنامەنووسەیل لق دهۆک، ئەرا ئاژانس شەفەق نیوز وت: سەندیکاگە ناڕەزایی لەبان بڕیار وەڕێۆبەرایەتی پارێزگاگە وە قەیەغەکردن ئاهەنگەگان لە بیسو چوارەم ئی مانگە کرد، لەو وەختە ک لە پارێزگایلیگ تر لە هەرێم ئاهەنگ کریەێد.
حسێن وتیش؛ ئمڕوو سەندیکاگە وەگەرد بڕیگ لە هونەرمەنەگان گردوە بوود تا ناڕەزاییەگە بچەسپنێد، و پێشنیارەگان ئەرا لایەنە باڵاگان بەرزەو بکەێد، و دووپاتکرد لە پابەندبوین سەندیکاگە وە بڕیار وەزارت ناوخۆی حکومەت هەرێم کوردستان لە قەیەغەکردن ئاهەنگەیل سەر ساڵ زایینی ئەرا مقەیەتیکردن لە ڤایڕۆس کۆڕۆنا.
