سەرۆک هەرێم کوردستان وەگەرد قونسڵ رووسیا و کوەیت باس پەیوەندیەیل دووانی کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو پەنجشەممە، وەگەرد هەرلە ئیگ لفین قونسڵ گشتی رووسیا، و عومەر کندری قونسڵ گشتی دەوڵەت کوەیت لە هەرێم کوردستان، وە جیاجیا گردەو بوی، وەبوونەی تەواوبوین ئەرکیان.
لە دوو دیدار جیاجیا، سەرۆک نێچیروان بارزانی دەسخوەشی لە پاڵپشتیکردن دوو قونسڵەگە ودەوریان لە بتەوکردن پەیوەندیەیل وڵاتەیلیان وەگەرد هەرێم کوردستان لە ماوەی کاریان لەناوی کرد، و ئومید سەرکەفتن لە ئەرکەیل هاتگیان خوازێد، وەگورەی بەیاننامیگ لە سەرۆکایەتی هەرێم کوردستان.
و دووپات کرد ک هەرێم کوردستان وعراق ئارەزوو قایمکردن پەیوەندییان وەگەرد هەرلە رووسیا و کوەیت دیرن، و دووپات لە پەیوەندیەیل کۆن کرد لەناوبەین هەرێم کوردستان وەگەرد هەرلە رووسیا و کوەیت، و وە بەرزی ئەرزشدار دەسمیەتی هەردوگ دەوڵەت ئەرا هەرێم کوردستان لە جویراجویر چینەیل کرد.
لەلای خوەیانیش، هەردوگ قونسڵ گشتی رووسی وکەویتی سوپاس لە پشتگیری و پاڵپشتی سەرۆک هەرێم کوردستان و لایەنەیل پەیوەندیدار لە حکومەت هەرێم کوردستان کردن ئەرا کار و چالاکییان لە ماوەی کاریان لە هەرێم کوردستان، هەریەک لەلیان چەپکەیگ لە کار و چالاکیی لە ماوەی ئەرکەیلی لە هەرێم کوردستان پیشکەش کرد.
باسکردن لەباوەت گەشەیل سیاسی و ئەمنی لە عراق و ناوچەگە وجەهان، و بڕیگتر لەو باوەتەیلە ک گرنگی هاوبەش دیرن، لەناو ئەو هەردوگ دیدارە بوی.
