سەرۆک هەرێم کوردستان لە یاد ئەنفال وتاریگ ئەرا داڵگەیل قوبانیەیل ئویشێد
شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، یاد سی و نۆهەمین ساڵیاد ئەنفال بەدناو کرد ک رژیم بەعس وەرین دژوە کورد لە هووز بارزانی جیوەجیی کرد.
بارزانی لە بەیاننامیگ رەسیە ئاژانس شەفەق نیوز وت: ئمڕوو لە سی و نۆهەمین ساڵیاد جینۆساید وئەنفالکردن هەیشت هەزار کوڕ و گەنج و پیاو لە بارزانی مەدەنی، سەر ڕێز و نەوازش ئەرا گیان پاک ئەنفالکریایل چەمنیمن، و وەگشت ڕێز و نەوازش یادیان کەیمن.
وتیش: سڵاو ئەرا خیزان وکەسوکارەیلیان ک دویای ئەو تاوان وکەلەمە ژیان فرە سەخت و تاڵیگ کیشان، ک هەزاران لە داڵگەیل سەربەرز خوەیان تەنیا ناچار بوین ئەرک دابینکردن تیکەنانەگە و ئیوەتکردن رووڵەیلیان هەڵگرن، و لە ئیوەتکردن نەوەی دڵسووزیگ سەرکەفتن، ئی داڵگەیلە جی شانازیین ودەسیان ماچ کەم.
بارزانی وتیش: وەو جویرەگ تاوان وکارەساتەیل میژوو لە شکانن خوازین گەل کوردستان ئەرا ژیان ومانا شکست هاوردن، هەمیش بیسەروشوینکردن بارزانیەیل بویە رەنج گەل کوردستان و خەباتی ئەرا ئازادی وە هیزیگ زیاتر، و تاوانکارەیل ئەنفال لاوازترەو بوین.
لە کۆتایی وتیش: لەی ساڵیادە، و هەنای روفات سەد بارزانی ئەنفالکریای نەیمنە خاک نیشتمان پیرووز، دڵم وهویرم هاگەرد داڵگ ژنەیل هاوسەر وخوەشکەیل ک وە کوڕ و کەسەوکارەیل ئەنفالکریایلیان کەفتنە کەلەمە، هاوخەمیانم لە خەفەتیان، سوپاس ورێز ئەرا بەڕێزەیل خەڵک هەولێر و گشت ئەو کەسەیلە ک دەسمیەتی کەسوکار ئەنفالکریایل کردن.
شەوەکی ئمڕوو، روفات ١٠٠ قوربانی لە هووز بارزان رەسیە ناوچەی بارزان لە هەولێر، تا لە قەورسان ئەنفالکریایل بارزان بنریەنە خاک.
