سەرۆک هەرێم کوردستان باس گەشەپیدان پەیوەندیەیل وەگەرد هۆڵەندا کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو دووشەممە، دووپات لە گرنگی گەشەپیدان پەیوەندیەیل وەگەرد هۆڵەندا کرد، وەتایبەت لە چینەیل کشتوکاڵی و بەرهەمهاوردن و هەماهەنگی ئەکادیمی.
راگەیانن سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: بارزانی ئمڕوو لە هەولێر پیشوازی لە میشێل رینتنار باڵیۆز هۆڵەندا لە عراق کرد، و هەردگ لایەنەگە باس ئەنجامەیل هەڵبژاردن پەرلەمانی وەرجەوەختی، و ناکۆکیەیل پشتی کردن، وەگەرد گەشەپیدان پەیوەندیەیل عراق و هۆڵەندا و هەرێم کوردستان لە گشت چینەیلە.
لە کۆبونەوەگە باس دەور هێزەێل هۆلۆگور لە سای هاوپەیمان ناودەڵەتی دژوە ریخریاگ داعش کریا، و و هەمیش پشتگیریکردن هۆڵەندا ئەرا وەزارەت پێشمەرگە ئەرا جیوەجیکردن چاکسازی و رێکخستن وەزارەتەگە.
بەیاننامەگە وتیش؛ هەردوگ لایەنەگە هاوڕا بۊین لە گرنگی چارەکردن گرفتەیل ئەنجامەیل هەڵبژاردنەگە وەگورەی میکانیزم یاسایی و دەستووری، و گرنگی دەسکردن وە گ دایەلۆگ دروسکردن حکومەت هاتگ دۊیای واژۆکردن لەبان ئەنجامەیلی.
هەمیش دووپات لە گرنگیدان وە گەشەکردن پەیوەندیەیل ناوبەین هەرێم کوردستان و هۆڵەندا کریا، وەتایبەت لە چین کشتوکاڵی و بەرهەمهاوردن و کەرت تایبەت و هەماهەنگی زانکۆیی و ئەکادیمی.
بارزانی دەسخوەشی لە پاڵپشتی و دەسمیەتی هۆڵەندا ئەر هەرێم کوردستان لەچوارچێوەی هاوپەیمان ناودەڵەتی دژوە داعش کرد، و ئەرزشدار دەور لایەنەیل پەیوەندیدار لە هۆڵەندا کرد ئەرا ئەو هاوکاریە ک ئەرا وەزارەت پێشمەرگە وەخاتر جیوەجیکردن چاکسازی و دووارە رێکخستنی شیوەگەی پێشکەش کردنە.
