سەرۆک هەرێم کوردستان پەیامیگ لە وەزیر وەرگری ئەمریکا رەسێدە دەسی
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: ئۆستن لەناو پەیامەگەی باس سەردانەگەی ئەرا هەولێر کرد، ک ئویشێد: خوەشهاڵم دووپات لەبان قایمی و گرنگی هاوبەشی ناوبەین ئەمریکا و هەرێم کوردستان و عراق بکەم.
لە پەیامەگەی ئەرا سەرۆک نێچیروان بارزانی، وەگەرد نرخدارکردن ئەو گفتوگۆە ک لە باوەت پابەندی هاوبەش لە هەردوگ لایەنەگە وە لەناوبردن تەواوی داعش، ئۆستن دووپات لە گرنگی هاوکاری وەردەوام ناوبەین ئەمریکا و هەرێم کوردستان وە هەماهەنگی وەرد بەغداد کرد، وەخاتر عراقیگ پڕ ئاسایش و ئارام خاوەن سەروەری.
وەگورەی بەیاننامەگە، ئۆستن دەسخوەشی لە رۆڵ سەرۆک هەرێم کوردستان کرد لە وەڕیەوبردن کار رێکخستن و چاکسازی وەزارەت کاروبار پیشمەرگە لە بنەمای یادداشت لەیەکڕەسینەوەی هاوبەش ناوبەین بینتاگۆن و وەزارەت پیشمەرگە لە حکومەت هەرێم کوردستان، و دووپات لە ئارەزوو وڵاتەگەی کرد لە وەردەوامی کار هاوبەش و هاوبەشی وەگەرد هەرێم کوردستان.
