سەرۆک هەرێم؛ تا یەک ئەیزیدی رفیاگ هەس ئەوەسا گشت تەقەلایگ ئەرا ئازادکردنی دەیمن
شەفەق نیوز/ نێچیروان بارزانی سەرۆک هەرێم کوردستان،ئمڕوو چوارشەممە، دووپات کرد ک تا یەک ئەیزیدیەی رفیاگ هەس، تەقەلایلی ئەرا ئازادکردنی یا دیاریکردن چارەنۊسی وەردەوامن، و ئەوەسا گشت تەقەلایلی ئەرا گلەوداین گشت ئاوارەیلە وەرەو میلکان خوەیان دەێد.
بارزانی لە پەیامیگ ڕەسیە ئاژانس شەفەق نیوز وت: پیرووزبایی لە گشت برا و خوەشکەیل ئەیزیدیەی لە کوردستان و جیهان وەبۆنەی جەژن جما کەێد، و ئومید جەژن خوەش و ئارامی و وەدەسهاوردن گشت ئومید و خوازینەیلیان ئەرایان خوازێد. بارزانی باس دڵگرانی خوەی کردنک جەژن ئمساڵ لەوەختیگ تیەێد ک هیمان هەزاران خوەشک و برای ئەیزیدی وەدەس تیرۆریستەیل داعش رفیانە، و هەمیش هەزاران لە خیزانەیل ئەیزیدی لەناو کامپەیلە گوزەران کەن چۊنکە توانای گلەوخواردن وەرەو ماڵ و میلکانیان نەیرن.
وتیش: لەی بۆنە، ئەرا گشت برا و خوەشکەیل ئەیزیدیەی کەێد دووپات کەێد ک تا یەک ئەیزیدی رفیاگ هەس ئەوەسا لە تەقەلایلی ئەرا ئازادکردنی و دیاریکردن چارەنۊسی وەردەوام بوود، و هەمیش گشت تەقەلایلی ئەرا گلەوداین گشت ئاوارەیلە وەرەو میلکان خوەیان دەێد.
