سەرۆک نێچیروان بارزانی پیشوازی لە کونسوڵ نوو کوەیت لە هەرێم کوردستان کەێد
شەفەق نیوز/ عوسمان داود ئەلداود، قونسوڵ نوو کوەیت لە هەرێم کوردستان، ئمڕوو یەکشەممە، دووپات کرد ک ئەوەسا کار ئەرا بتەوکردن پەیوەندیەیل و فراوانکردن هاوکاری هاوبەش ناوبەین هەردوگلا کەێد.
نویسینگەی راگەیانن سەرۆک هەرێم کوردستان، لە بەیاننامەیگ رەسیە ئاژانس شەفەق نیوز وت: سەرۆک نێچیروان بارزانی، نیمەڕو ئمڕوو، لە نویسینگەی خوەی، پیشوازی لە قونسوڵ نوو کوەیت کرد، و پیرووزبایی ئەرا دەسکردنی وە ئەرکەیل کاری کرد، و ئومید سەرکەفتن ئەرای خوازئد، و دووپات لە پیشکەشکردن گشت پشتگیرییگ ئەرا سەرکەفتن ئەرکەیلی کرد.
بارزانی دووارە سوپاس و ڕێزی ئەرا دەوڵەت کوەیت پیشکەش کرد، ئەرا ئەو دەسمیەتیەیل مرۆییە ک لە هەرێم کوردستان ئەرا پەنابەر و ئاوارەیل پیشکەش کردیە.
لەلای خوەییش، وەگەرد نشاندان ئامادەیی وە دەسکردن ئەرکەیل کاری لە هەرێم کوردستان، قونسوڵ نوو کوەیت باس ئومیدی کرد ک بتوەنێد پەیوەندیەیل قایم بکەێد و چینەیل هاوکاری هاوبەش ناوبەین هەرێم کوردستان و دەوڵەت کوەیت فراوان بکەێد.
هەردوگ لایەنەگە، باس دویاترین نووەوبویەیل کار سیاسی لە عراق، و رەوشەیل ناوچەگە وەشیوەی گشتی کردن، و دووپات لە گرنگی ئاسایش و ئارامی ناوچەگە ئەرا گشت لایەنەیل کردن.
