سەرۆک فراکسیۆن نەوەی نوێ مەرجیگ دانەێد تا داوای وەخشین بکەێد

شەفەق نیوز/ پەرلەمان کوردستان جاریگ تر نەیشت کازم فاروق سەرۆک فراکسیۆن نەوەی نوێ بچوودە ناو بینای پەرلەمان و بەشداری لە دانیشتن ئمڕوو سێشەممە بکەێد.

فاروق لە کۆنگرەیگ رۆژنامەوانی ئمڕوو، پەیامنێر ئاژانس شەفەق نیوز ئامادەی بوی وت: با ریگری لە وەناو چگنم بکەن، و ئەیە گرنگ نییە، وەلێ ئەگەر ئازا بوون با ری لە حکومەت بگرن لە مووچەی فەرمانبەرەیل نەوڕێد.

وتیش؛ ئەگەر دزەیل دارایی گشتی داوای وەخشین لە گەل کورد کردن، ئەو مەوقە منیش داوای وەخشین کەم.

وەرجەیە، فاروق دوو تاک کەوشەیلی لە روی ئەندامەیل دەزگای سەرۆکایەتی پەرلەمان کوردستان بەرزەو کرد و فڕەیان دا، و وەپای پەتی دەرچگ، لەوەر ئەوە ک وەختیگ زیاتر ئەرا قسەکردن وەپی نەیان.