سەرۆک حکومەت هەرێم کوردستان پێشوازی لە باڵوێز یابان لەلای عراق کەێد
شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو چوارشەممە، پێشوازی لە سوزوکی کوتارۆ باڵوێز یابان لەلای عراق کرد.
سەرۆکایەتی حکومەت هەرێم کوردستان لە بەیاننامەیگ رەسیە ئاژانس شەفەق نیوز وت: باڵوێز یابانی دەسخوەشی لە ئەو دەورە كرد ك هەرێم کوردستان ئەنجامی دەێد، ک هیلێدەی بوودە کاریگەر گرنگیگ لە ئارامی ناوچەگە.
کوتارۆ دووپات کرد لە وەردەوامبوین بتەوکردن پەیوەندیەکان و وەردەوامی لە پشتگیریکردن هەرێم کوردستان، وەتایبەت لە بتەوکردن بەرهەمهاوردن بابانی لە هەرێم.
باڵوێزە یابانیەگە سوپاس لە حکومەت هەرێم کوردستان کرد لەبان ئەو دەسمیەتی و ئاسانکاریەیلە ئەرا رێکخراوە نا حکومەتیەکان و ئاژانسە یابانیەکان لە هەرێم.
لەلای خوەییش، سەرۆک حکومەت هەرێم، سوپاس خوەی ئاڕاستەی یابان کرد ئەرا پشتگیریکردن هەرێم کوردستان، و هەمیش پێشوازی حکومەت هەرێم ئەرا گەشەپێدان ئاسۆەیل هاوکاری گشتگیر وەگەرد یابان لە گشت چینەیل کرد.
بەیاننامەگە ئاماژە کرد ک ناکایما یوشیکۆ خانمە وەرپرس نووسینگەی قونسڵەیەی یابان لە هەولێر ئامادەی چەوپیکەفتنەگە بوی، ک سەرۆک حکومەت وەبۆنی کۆتایی ئەرکەیلی لە هەرێم کوردستان ئومید سەرکەفتن ئارای خوازێد.
