سێ خۆپیشاندان لە سلێمانی یەکیگیان داوای گرانکردن نان کەێد و مانگگردن لە زیقار (وێنە)

سێ خۆپیشاندان لە سلێمانی یەکیگیان داوای گرانکردن نان کەێد و مانگگردن لە زیقار (وێنە)
2021-01-03T10:17:52+00:00

شەفەق نیوز/ دەیان کەس لە قەزای پێنجوێن لە پارێزگای سلێمانی لە هەرێم کوردستان، شەوەکی ئمڕوو یەکشەممە،  دەرچگنە ناڕەزایەتییگ لەبان کەمەوبوین رێژەی دابەشکرن وزەی کەهرەبا.

خۆپیشاندەرەگان شەرمەزار کەمەوبوین وەزەگە و وەردەوامی لە بڕینی  ئەرا چەن ساعەتەیلیگ کردن و داوای چارەسەرکەردن ئی گرفتە کردن ک لە چەن رووژیگەو کەفتنەسە ناوی.

ناڕەزاگان هەمیش داوای دابەشکرن نەفت چەرمگ کردن وەو شیوە ک وەگەرد خوازبنەمەرمەگە وەگەرد سەردیەگە بگونجیەێد.

هەرلیوا، خوەنەوارەیلیگ لە زانکۆی سلێمانی وساننیک ناڕەزایەتی رێک خستن  دژوە دیاریکردن مەوقەی تاقیکردنەوەگان لەوەختیگ ک موحازەرەیل خاسیگ وەرنەگردنە.

بڕیگ لە خوەنەوارەگان باس لە رتکردن بڕیار دیاریکردن مەوقەی تاقیکردنەوەگان کردن، ک خوەیان ئامادە ئەرای نیین.

لەو ماوەیش، دەیان لە خاوەن نانەواخانەگان لە وەردەم بینای قایمقامیەت شار سلێمانی خۆپیشاندان کردن، و داوای گرانکردن نرخەگان کردن لەوەر گرانی ئارد.

ئیسماعیل عەزیر یەکیگە لە خاوەن نانەواخانەگان ئەرا ئاژانس شەفەق نیوز وت: داوا لە وەرپرسەگان لە پارێزگاگە کەیمن نرخ نان و سەمون بەرزەو بکەن، لەوەر بەرزەوبوین نرخ ئارد ئەرا زیاتر لە ٧ تا ٨ هەیشت هەزار لەبان یەک کیسە، و هەمیش سووتەمەنی لە نەفت وگاز و کرای کارمەنەگان، ک ئیمە خوازیمن یەکسان بویمن وەگەرد ئەو پارێزگایل هەرێم.

عەزیز هەمیش ئووشێد: وەرپرسەیل دەسەی قایمقامیەت پێشنیار کردن ک لە کیش نانەگە کەمەو بکەیمن، وەلی ئیمە ئەوە رەتکردیمن، خوازیمن ٦ نان وە ١٠٠ دینار لەجیای ٨ نان بوود، ئەگەر رەوشەگە وەیجوورە وەڕیەو چگ، ئەوەسا دوکانەیل نانەواییەگان بەسیمن.

لە باشوور عراق، لە پارێزگای زیقار، فەرمانبەرەیل گریەبەسیەگان لە کۆمسیۆن باڵای سەروەخوەی هەڵبژاردنەگان دەسکردنە بایکۆد.

بایکۆدکارەگان داوا لە حکومەت خۆجێی و فیدڕاڵی کردن لەبان مەلاگ هەمیشەیی بچەسپننەیان، و راگەیانن وەردەوامییان لە بایکۆد تا ئەنجامدان داواکاریەیلیان.

Shafaq Live
Shafaq Live