سێ چارەک لە مکتەوەیل کەلار راوێژکار پەروەردەیی نەێرن
2023-01-26T07:59:43+00:00
شەفەق نیوز/ وڕێەوبەر پەروەردەی کەلار سەر وە ئیدارەی گەرمیان، ئمڕوو پەنجشەممە، راگەیان 150 مەکتەو لەمابەین 267 راوێژکار پەروەردەیی نەێرن، دیاریکرد هویچ جواویگ نەرێنی ئەرا داواکاریان ک ئەرا وەزارەتەگە بەرزەوکریایە وەرنەگردنە.
عەدالەت لەتیف لە بەیانیگ رووژنامەوانی رەسیە ئاژانس شەفەق نیوز وت: وەڕێەوبەرایەتی پەروەردەی کەلار 267 مەکتەو گرێدە خوەی، ک نزیکەی 150 مەکتەو راوێژکار پەروەردەیی نەێرن ک لە گوزەشتە وە توێژەر دەروينی و کۆمەڵایەتی ناسریاگ بوین، هەرچەن وەپای یاسا بایەتە گشت مەکتەویگ زیاتر لە یەک راوێژکار بیاشتوود.
وتیش، لەوەر کەمی راوێژکار پەروەردەیی، بڕیگ لە ماموستایل وەگەرد کارەگەیان شوین چووڵ راوێژکار پەروەردەیی پڕ کردنە، لەوەختیگ ری دریاگ نییە مامووستای باوەتیگتر بوونە راوێژگار پەروەردەیی.
دیاریکرد کەمی راوێژکار پەروەردەیی زیاتر لە مەکتەویل ئاوای دەرکەفێد، دیاریکرد گشت ساڵیگ داوا لە لایەنەیل دیاریکریاگ کەیمن، باوجی هویچ جواویگ نییە.
