زەخمداری دوو پۆلیس وە تەقەکردن وەرانوەر داواکریایلیگ لە هەولێر
شەفەق نیوز/ وەڕیەوبەرایەتی پۆلیس پارێزگای هەولێر پایتەخت هەرێم کوردستان، ئمڕوو پەنجشەممە، خەوەردا لە زەخمداری دوو ئەندام لە هێزەیلی لە تەقەکردن وەرانوەر داواکریایلیگ لە قەزای شەقڵاوە.
وەڕیەوبەرایەتیەگە لە بەیاننامەیگ رەسیە ئاژانس شەفەق نیوز وت: دۊیەشەو سکاڵایگ لە هاووڵاتییگ لە بەش پۆلیس شەقڵاوە/ بنکەی پۆلیس بیترمە وەرگرد، ک دوو کەس هاتنەسە ناو ماڵەگەی و هەڕەشەی دانە.
بەیاننامەگە دیاری کرد ک هێزەیل پۆلیس رۊی وەرەو شۊنەگە کردن ئەرا چەودیریکردن، و لە ساعەت دوو دۊیەشەو هەر لە توومەتبار (ا، ا، ع) و (م، ک، ه) پەلامار ماڵەگە دان، تا بۊیە تەقەکردن وەگەرد هێزە ئەمنییەیلە، ک بۊیە هووکار زەخمداری دووان لە پۆلیس (ڕێبەند ئەرسەلان کەمال) و (مەهدی عەبدوللەتیف).
وەگورەی بەیاننامەگە، هێزەیل پۆلیس تۊینستن یەکیگ لە توومەتبارەیلە دەسگیر بکەن، و تەقەلا دەێد ئەو توومەتبارەگە بگرێد، و لێکۆڵینەوە وە رووداوەگە واز کرد.
