دەسگیرکردن دز کارەباگە لە هەرێم کوردستان
2021-09-20T05:24:37+00:00
شەفەق نیوز/ وەڕیەوبەرایەتی پۆلیس هەولێر پایتەخت هەرێم کوردستان، ئمڕوو دووشەممە راگەیان دەسگیرکردن توومەتباریگ وە دزیکررن بایی ١٢٠ هەزار دۆلار ئەمریکی لە چشتەیل کارەبایی لە هەولێر پایتەخت هەرێم کوردستان.
پۆلیس لە بەیاننامەیگ رەسیە ئاژانس شەفەق نیوز وت: بەش دژە تاوان/ نووسینگەی خەبات لەهەولێر، توومەتباریگ وەناو (ش ع و) دەسگیر کرد، ک بایی ١٢٠ هەزار دۆلار لە چشتەیل کارەبایی لە یەکیگ لە کۆمەڵگەیلە دزی کردگە، و لە پارێزگای نەینەوا فرووشتیەسەیان.
پۆلیس وتیش؛ توومەتبارەگە وە فەرمان دادوەری بەندی کریاگە، وەگورەی مادەی ٤٤٤ لە یاسای سزادان، وتیش؛ هیمان لێکۆڵینەوە وەگەردی وەردەوامە.
