زەخمداری باوگ و کوڕیگ وەتەقیان مینیگ لە گۆرەپان جەمەوکردن ئاسن
شەفەق نیوز/ وەرپرسیگ ئەمنی لە ئیدارەی ناوچەی گەرمیان ، ئمڕوو جومعە، خەوەردا لە زەخمداری پیاویگ و کوڕەگەی وە تەقیان مینیگ لە جیماگەیل جەنگی لە یەکیگ لە گۆرەپانەیل سەنین و فرووشتن ئاسن کۆنە لە دەوروگەرد قەزای کفری.
وەرپرس راگەیانن و پەیوەندیەیل لە وەریەوبەرایەتی پۆلیس" گەرمیان" موقەدەم مافپەروەر عەلی جەمال قەدوری وە ئاژانس شەفەق نیوز وت، دوان لە کراکارەیل گۆڕەپان سەنین و فرووشتن ئاسنەکوتە " پیاویگ و کوڕەگەی" تویش زەخمداری مەترسیداریگ بوینە و ئەرا خەسخانە کلکریانە وە مدووی تەقیان بومبیگ ک شایەت لە وەجیماگەیل جەنگی کۆن بوود لە ناوچەی "کارێز" لە کفری.
وتیش، هیزەیل ئەمنی لە شوین رویداوەگە ئامادە بوینە و لێکۆڵینەوە لە رویداوەگە وازکریایە، دیاریکرد یاسا قەیەغەی وەجیماگەیل جەنگی و شاسی ماشین کردیە لە ناو کەرەستەیل سکراب سەرپیچیکارەیلیش ئەرا لایەنەیل یاسایی تایوەت کلکریەن.
