روونکردنەوەێگ فەرمی لەباوەت کرم ناو مۆز لە هەرێم کوردستان
2021-11-03T07:08:07+00:00
شەفەق نیوز/ وەزارەت کشتوکاڵ و تەندروسی هەرێم کوردستان، ئمڕوو چوارشەممە، رەتیکێدەو ک هۊیچ کرم لە ناو بەرهەمەێل مۆز لە ھەرێم کوردستان بۊینی نییە و هۊیچ بیماریگ توومارنەکریاگە.
ڤیدیۆێگ لە تۆڕەێل کۆمەڵایەتی بڵاوبۊیە، ک باس لەوە کەێد جوورە کرمێگ لە ناو وەرهەمی مۆز هەس، و بۊیەسە سەرچەوەی بڵاوبۊین بیمارییگ رخبەر.
لە بەیاننامەێگ لە هەردوگ وەزارەتەگە رەسیە ئاژانس شەفەق نیوز وتن: ئی ڤیدێۆیە بڵاوبۊیە هن هەریم کوردستان نییە، لە وڵاتە بیانیەێلە توومارکریاگە، و لە تۆرەێل راگەیانن بیانیەێل بڵاوکریاگە.
هەردوگ وەزارەتە دڵنیای مەردمەگە کەن بەرهەم مۆز لە بازارەێل و ئەمارەێل هەرێم کوردستان بی وەیە، هۊیچ جوورە بیمارییگ توومار نەکردنە.
ودیاری کرد، هەردوگ وەزارەتەگە وەردەوامن لە رسین وە بندروس ئی باوەتە.
