پەروەردەی کوردستان رووژەیل شەممە لە وەرز خوەنەواری هاتگ کەێدە پشوو فەرمی
2023-07-16T12:35:06+00:00
شەفەق نیوز/ وەزارەت پەروەردە لە حکومەت هەرێم کوردستان، بڕیار دا رووژەیل شەممە لە گشت هەفتەیگ بوودە پشوو ئەرا مەکتەوەیل و کادرەیل خوەنەواری لە هەرێم.
وەزارەتەگە لە بەیاننامەی کوڵیگ رەسیە ئاژانس شەفەق نیوز وت: ئی بڕیارە لە ساڵ خوەنەواری نوو ٢٠٢٣ - ٢٠٢٤ جیوەجی کریەێد، ک رووژەیل شەممە لە گشت هەفتەیگ بوودە پشوو فەرمی لە گشت کەرتەیل خوەنەواری حکومەتی.
وەرجەیە، پەروەردەی هەرێم کوردستان، لە گشت وەرزەیل دویای ساڵ ٢٠٠٣ رووژەیل شەممە کردیادە دەوام فەرمی، وەپیچەوانەی حکومەت فیدڕاڵی.
