حكومه‌ت هه‌رێم كوردستان له‌باره‌ى پشوو فه‌رمى ئاشكراكردنيگ دا
شه‌فه‌ق نيوز/ حكومه‌ت هه‌رێم كوردستان، بڕيار دا له‌سه‌رجه‌م ناوه‌نده‌يل خوه‌نين و باخچه‌و خوه‌ندنگاو په‌يمانگايه‌يل سه‌ر وه وه‌زاره‌ت په‌روه‌رده وه حكومى و ناحكومى و تايبه‌ت و وه‌زاره‌ت خوه‌نين باڵاو توێژنه‌وه‌ى زانستى له رووژ چوارشه‌ممه‌وه 26 شووباته‌وه تا رووژ سێشه‌ممه‌ى 10ى ئادار بدێده پشوو فه‌رمى.
له‌ى باوه‌ته‌و، جوتيار عادل قسه‌كه‌ر وه‌ناو حكومه‌ت، له به‌ياننامه‌يگ وت: وه‌زاره‌ت كار و كار و كاروبار كۆمه‌لايه‌تييش ده‌ڵات ديرێد ده‌وام ريك بخه‌ێد له باخچه‌و خوه‌ندنگايه‌يل و په‌يمانگايه‌يل سه‌ر وه وه‌زاره‌ته‌گه وه‌ل له‌وه‌رچه‌وگرتن به‌نده‌يل بڕياره‌گه‌و ئامانج له ده‌ركردنى.
يه‌يش له‌وه‌ختيگه، دويه‌كه سێشه‌ممه حكومه‌ت هه‌رێم كوردستان برياردا وه‌گ ريگرى و ريكاريگ له بڵاوبوينه‌وه‌ى ڤايرۆس كۆرۆنا پشوو له ناوه‌نده‌يل خوه‌نين بيه‌ێد وه زانكۆ و په‌يمانگاى تايبه‌ت و حكومى تا ماوه‌يگ دياريكرياێ.
