پەرلەمان کوردستان چەودێری رەوش پەنابەرەیل کورد لەبان سنوور بیلاڕووسی کەێد
شەفەق نيوز/ دەسەی پەیوەندی و پەنابەرەێل کوردستان لە هەرێم کوردستان، ئمڕوو دووشەممە، راگەیان ک خوەی وەردەوامە لە چەودیریکردن رەوش پەنابەرەێل کورد ئەل دەوڵەت بیلاروسیا.
لەو بەیاننامە ک رەسیە ئاژانس شەفەق نیوز وت؛ وەخاتر چەودیریکردن و هەڵسەنگاندن رەوش پەنابەرەیل هەرێم کوردستان لەبان سنوور بیلارووسیا، دەسەگە وەرجە نیمەڕو ئمڕوو وە سەرپەرشتیاری سەرۆکی رێبوار بابیکی وە ئامادەبۊن جیگر سەرۆک دەسەگە و ئەندامەیلەی کۆبوونەوە کرد.
وتیش؛ لە کۆبونەوەگە سەرۆک دەسەگە باوەت سەرکی کۆبونەوەگە خستە وەردەس ک چەودیریکردن و هەڵسەنگاندن رەوش پەنابەرەیل لەبان سنوور بیلارووسیا و دەوڵەتەیل تر لەناوی بۊی.
بەیاننامەگە وتیش؛ دۊیای ئەوە ئەندامەیل دەسەگە دەسکردنە باسکردن لەی باوەتە و چەن تیبینی و پئشنیاریگ وەخاتر دادرەسین و چارەکردن رەوشەیل ئەو پەنابەرەیلە پێشکەش کردن.
بەیاننامەگە نشان دا ک لە کۆتایی کۆبونەوەگە، دەسەگە بڕیار دا سەردان لایەنە پەیوەندیدارەیلە لە حکومەت بکەێد تا هەردوگ لایەنەگە وەشیوەیگ گەورەتر هاوکار بوون و هەماهەنگی باڵاتر لەناویان وەدەس بارن تا چارەیگ ئەرا ئەو هاووڵاتییەیلە پەیا بوود ک لەبان سنوور دەوڵەتەیل گیر هاتنە و ئیسە زیان لە رەوشەیل بەدیگ وەخوەیان دۊینن.
