پەرلەمان کوردستان: پەکەکە بویە مەترسییگ لەبان هەرێم کوردستان

شەفەق نیوز/ دەسەی باوەتەیل پێشمەرگە لە پەرلەمان کوردستان، ئمڕوو شەممە، شەرمەزار پەلامارەگەی پەکەکە لەبان هێزەیل پێشمەرگە لە دهۆک کرد.

دەسەگە لە بەیاننامەیگ رەسیە ئاژانس شەفەق نیوز وت: پەکەکە لە ساڵەیل دریژیگ وە دەسپیچگ جەنگ وەگەرد دەوڵەت تورکیا، بویەسە مەترسییگ لەبان هەرێم کوردستان، و ئەرا چەن جاریگ گەنجەیلیگ لە هەرێم کوردستان شەهید بوین، و لەلایبگ تر ئی ململانە بویە هووکار چووڵکردن سەدان ئاوایەیل لە پارچە سنووریەگە.

دەسەگە داوا لە پەکەکە کرد ململانەیلیان بخەنە زەویەیل تورکیا و نەوونە هووکاریگ ئەرا ئەوە م دەسکەفتەیل وسەروەری هەرێم بکەفنە وەر مەترسی و رێز لە سنوور و ئاسایش و ئارامی هەرێم بگرێد.

دەسەگە لە بەیاننامەگەی داوای چارەسەرکەردن گرفت تورکیا و پەکەکە وە شیوەیل ئاشتەوایی کرد، و ئی گرفتە لەبان زەویلیل تورکیا چارە بکریەن.