کردەوەیگ فێڵ و خەڵەتانن سلێمانی لەرزان

هویردەکاری باوەتەگە لەلایەن عەلی حەمە ساڵح کە دەس لە پەرلەمان کوردستان کیشاسەو ئەرا ئاژانس شەفەق نیوز ئاشکرا کرد، ک باس ئەوە کرد کە کەسیگ وە دەسپیچگ بازرگانیکردن و کارکردن 100 ملیۆن دۆلار لە بازرگانەیل دراو لە بازاڕ بۆرسەی سلێمانی بردیە، گوایە لە وەرانەوەر ئەو پویلەیلە قانجاز دەێدە  خاوەن سەرمایەیل، بەڵام ئەوان سەریان سڕ بویە هەناێ ئەو کابرا ئاگاداریان کردیە کە ئەو پویلە نەیرێد  تا بتوەنێد وەپیان بەێد.

حەمە ساڵح وتیش: ئەی کابرا ها کوردستانە و قوربانیەیل کردەوەگەی سکاڵا توومار نیەکەن، ک دیارە پشت وە ریکارەیل یاسایی نیەوەسن، ک ماوەی فرە درویژیگ وەپی چوود تا فەرمان وەرگردن پویلیان دەرچوود. 

وتیش؛ لە یەکەم گلە نییە ک وەیجویرە وەسەریان باێد، ک وەرجەیە کار دزین سەرمایەی خەڵکەگە لە بازاڕەیل هەرێم کوردستان بویە.

هەرلیوا، جەبار گۆران، قسەکەر بۆرسە ئەرا ئاژانس شەفەق نیوز وت:  رویداوەگە بویە، بەڵام وتیش؛ ئەو بڕە پارە کە پەرلەمانتارە دەس لەکار کیشایەگە، ئویشێد؛ ئەو پویلە ک وەگورەی زانیاریەیل وەپیمان رەسیە فرە گەورەس و وەگورەی زانیاریمان بڕە پویلەگە لە 10 ملیۆن دۆلار زیاتر نییە، وەگەرد ئەو قانجازە ک لەبانی رێک کەفتنە.

 لەباوەت  هویردەکاری رویداوەگەیش، گۆران وتیش؛  ئەو بڕە پویلە ک لە بازرگانانی دراو بریایە،  جویر بەشدارییگ لە چوارچیوەی پرۆژەی "خاڵ وە خاڵ" لە کامێرایل کۆنتڕۆڵ  ماشین بویە، هەرلیوا رویداوەگە نزیکەی سێ مانگ وەرجەیە رویداگە،  و ئەو بڕە پویلە نەک تەنیا لە بازرگانەیل دراو لە بازاڕ بۆرسە بریایە، بەڵکم کەسەیلیگتر جویر "بەشداربوی" هانە ناو پڕۆژەگە.

لەباوەت پولیس قائیمقامیەت سلێمانیش وەپەی وتەی سەرکوت ئەحمەد، قسەکەر فەرمی خوەی، ئەرا ئاژانس شەفەق نیوز وت: پولیس زانیاریی دروس لەبان رویداوەگە نییە، یا ئەوەیگ پەرلەمانتار وەرین  باسی کردیە، چوینکە ناو ئەو کەسە ئاشکرا نەکردیە ک پویلەگە بردیە،  و نەیش بەروار کارەگە، بەڵام سکاڵای یاسایی هەس کە لەلایەن بڕیگ هاووڵاتی لەبان  توومەتبارەیلیگ وە ساختەکاری و خەڵەتانن، بەڵام نیەتوەنین ئی باوەتە پشتڕاس بکەیمنەو یا ڕەتی بکەیمن چوینکە نیەزانین کی داوا کریاگە.