ئەرا یەکەم جارە.. دار جەژن زایینی وەشیوەیک فەرمی لە کۆبانی
2020-12-20T13:50:00+00:00
شەفەق نیوز/ ئەرا یەکەم جارە لە شارەکە شارەوانی کۆبانی دار چەزن زایینی لە یەکیگ لە مەیدانە سەرەکیەگان لەناوڕاس شارەگە وەگەرد نزیکەوبوین جەژن سەر ساڵ زایینی دانا.
خانمە ئەندازیار سەفا حاجم لە شارەوانی کۆبانی ئەرا ئاژانس شەفەق نیوز وت: هوير داناين دار زاييني لە لایەن چوار ئەندازیار لە شارەوانی کۆبانی دەرچگ، و وەڕەزامەنی رووشەن عەبدی هاوسەرۆک شارەوانیەگە.
وتیش؛ ئامانجەگە لەی دارە خوەی خوەشحاڵکردن دڵ مناڵەگان و خەڵکەگە وەگشتی وەتایبەت دویای بڵاوبوین کۆڕۆنا و لەسای کەشوهەوای جەنگ، و دیاریکرد ک ئی دارە و بەرزی ٢٠ مەترە و ئەوەساە هەڵڕازیەێدەو و رووشن کریەێد تا بوودە دڵخوەشییگ ئەرا خەڵکەگە.
